Mia & Raymond van Tonder

STORIE:


Soos alle bruide altyd sê: “Dit was die beste dag van my lewe!”, maar die padjie om daar uit te kom was nie…

Vandat ek ‘n klein dogtertjie was droom ek oor die groot troue, maar toe word ons wêreld geslaan met die Covid-19 pandemie. Ek en Raymond het verloof geraak in September 2019 en toe die opwinding nog vroeg was het ek amper die hele troue klaar beplan voor die einde van 2019, insluitend venue, fotograaf, videograaf, blomme, kos en en en. Ons datum het ons gelukkig gerus gestel toe die pandemie tref, want “dit is mos eers aan die einde van die jaar.” Ai, min wetend dat die troue 3 MAANDE voor die groot dag óf uitgestel óf gekanseleer moes word as gevolg van die 50% kapasiteit en curfew. Emosies en stres het definitief hoog geloop en ons het besluit om al 100 gaste (uitsluitend gesinne) te laat weet die troue is gekanseleer en ons sal voortgaan met ‘n intieme seremonie. En daar begin die troubeplanning weer van voor af. Binne 3 maande is die troue oorbeplan en ons groot dag was meer as genoeg met 23 gaste. In my ouma sê woorde: “Daar is 4 mense op die dansvloer, maar dit voel soos 200.”

Verder was die dag nog meer spesiaal gemaak deur my ma. My ma is die sterkste vrou wat ek ken en wen nou al ‘n jaar en 9 maande die stryd met alkoholisme. My hele lewe het ek klaar die besluit in my agterkop gemaak dat my ma nie by my troue gaan kan wees nie, dit is moeilik vir ‘n dogter, maar ek het geweet dit is vir die beste. Sy het bo alle omstandighede uitgestyg na onsettende harde werk en met die aanloop tot die groot dag en op die dag die grootste rol gespeel. Ons sal nooit hierdie dag saam vergeet nie.

Soos alle bruide altyd sê: “Dit was die beste dag van my lewe!”, behalwe vir my man se geskeurde broek 😉

STEM VIR DIE PAARTJIE ONDER:


Stemme maak 7 Maart 2021 oop. Klik hier om opteteken om ‘n herinnering per e-pos te kry wanner stemme vir Troue van die Jaar 2020 oop maak.

Diensverskaffers:

  • Blomme: Franschoek Flowers
  • Bruidegom-pak: Eurosuit
  • Dekor: Baie Goeters
  • Fotograaf: Grootdors Produksies
  • Gaste Geskenke: Taylored Treats
  • Grimering: Mooigemaak
  • Hare: Mooigemaak
  • Huurdienste: Baie Goeters
  • Huweliksbevestiger: Ds. Jannie
  • Juweliersware: Lovisa
  • Trouring: van Deijl Juweliers
  • Troukoek: Taylored Treats
  • Koördineerder: Eldorét
  • Musiek: Chris Rain
  • Platejoggie: Audiomeister (Ruan Burmeister)
  • Skoene: Woolworths
  • Skryfbehoeftes: Blooming Wonderful
  • Strooimeisie-rokke: Sissy Boy
  • Trourok: Bride and Co.
  • Venue: Rickety Bridge Winery Franschoek
  • Paartjie se verblyf: Rickety Bridge manor house
  • Videograaf: Grootdors Produksies
  • Wittebrood plek: Misty Mountain Tstitsikamma