Migael & Marizahn Roos

STORIE:


Die dag toe ek Migael ontmoet het, het ek geweet die mannetjie is my trouman. As jy weet dan weet jy!

Ons datum was gekies en ons was gereed. Na ‘n jaar se beplanning, afwagting, opwinding en droom van ons groot dag was, was ons uiteindelik in die laaste week. Mnr. Die President kondig af dat byeenkomste beperk word tot 100 mense en ons “wedding planner” trek kopuit. Ons word genoodsaak om ons troue in 4 dae self te reël. Nooit sou ons kon raai dat ons laaste week sou uitspeel soos wat dit het nie.

Emosioneel en moeg begin ons met beplanning, en God stuur sy eerste engele om ons te help, Marina en Cesca. Hulle vat die trou reëlings heeltemal oor.
Mense wat ons van geen kant af ken nie hoor ons storie, bied aan ons om ons te help en gaan uit hulle pad uit om ons droomdag ‘n werklikheid te maak.
Blomme, dekor, kos ensovoorts is gereël. Almal werk hard om ons te help en die saal word opgemaak. Na ‘n emsionele week kom die groot dag al hoe nader.
Ons tel nou die ure af.

Dit is uiteindelik die dag waaroor ek my hele lewe lank droom en waarvoor ons al ‘n hele jaar wag. Die oggend vlieg verby en dit is nou amper tyd. Ek stap in die paadjie af en dit is nou ‘n werklikheid. Daar staan my man. Ons gaan trou. Die weer is perfek, alles is perfek. Na die moeilkste en mees emosionele week van ons albei se lewens, is ons getroud. Wat God saamgevoeg het nie, mag niemand skei nie.

Die prentjie mooi saal bring ons tot trane. Ons is dankbaar. Familie en vriende almal bymekaar. Ons vier fees en die oorwinning. God se genade spoel oor ons. Alles net vir ons!! God het ‘n wonderwerk gedoen en vir ons ‘n storie gegee wat vir ‘n leeftyd vertel sal word. Ons pad saam begin met ‘n wonderwerk.

Ons hoop dat elke leser deur ons storie bemoedig sal word. God is in beheer en ons gee aan Hom alleen al die eer.

STEM VIR DIE PAARTJIE ONDER:


Stemme maak 7 Maart 2021 oop. Klik hier om opteteken om ‘n herinnering per e-pos te kry wanner stemme vir Troue van die Jaar 2020 oop maak.

Diensverskaffers:

  • Blomme: Kemp Myburgh
  • Bruidegom-pak: H & M
  • Dekor: Fancy Functions & Flowers 4 U
  • Fotograaf: Postive Lights Photography
  • Grimering: MJ Artistry
  • Hare: MJ Artistry
  • Huurdienste: Fancy Functions, Flowers
  • Huweliksbevestiger: Koos van der merwe
  • Juweliersware: Armband en oorbele- Lovisa
  • Trouring: American Swiss
  • Troukoek: Sheila Jonck’s designer cakes
  • Koördineerder: Marina de Reuck en Cesca Van Rensburg
  • Musiek: Neville Collet
  • Platejoggie: Neville Collet
  • Skoene: Wooworths
  • Strooimeisie-rokke: Pebbles
  • Trourok: Bridal Inn
  • Venue: Colnera Estate
  • Paartjie se verblyf: Colnera Estate
  • Videograaf: Henco Lerm
  • Huwelik kontrak: Marais Lamprecht
  • Wittebrood plek: Hermanus & Bloubergstrand