Chantel & Stephan Visser

STORIE:


My en Stephan se liefdesverhaal is ‘n eenvoudige verhaal, maar die eenvoud daarvan maak dit uiters spesiaal!

Ek en my man het ontmoet tydens ons studiejare by die Universiteit van Stellenbosch – maar ons kon mekaar nie verdra nie. Ek was geirriteerd met sy bombastiese, “alpha male” persoonlikheid en hy was geirriteerd met my georganiseerde en altyd optimistiese uitkyk oor die lewe. Ons het mekaar gevolglik nie daar gevind nie.

Ongeveer 3 jaar later, in 2016, het ons mekaar weer “ontmoet” deur ‘n gemeenskaplike vriend. Ons was onmiddellik soos finkel en koljander en het ‘n ongelooflike interessante en spesiale vriendskap ontwikkel. Ongeveer 9 maande later het ons besef dat ons vriendskap gegroei het na ‘n romantiese liefde en op 25 September 2016 het ons ‘n paartjie geword.

Amper presies 3 jaar later, het Stephan besluit dat hy die res van sy lewe saam met my wil deel en op 18 September 2019 is ons verloof. Ek is nie maklike persoon om te verras nie, maar daardie aand het hy my voete onder my uitgeslaan (met die hulp van my beste vriendinne natuurlik!).

Ons mooiste dag was Saterdag, 20 Maart 2021 by Langkloof Roseplaas en dit was alles waarvoor ons kon vra. Ons was vreeslik geseënd dat COVID slegs die hoeveelheid gaste op ons gastelys beÏnvloed het. Die weer was perfek, die kos was uit die boeke, die musiek het almal op die dansvloer gehad en ons gaste was fantasties!

Ek en my man is steeds teenoorgesteldes, maar dit maak die lewe en ons huwelik interessant. Hy maak my rustig wanneer my OCD oorneem en ek kikker hom op wanneer sy introversie oorheers. Ons huwelik is gebou op eerlikheid en goeie kommunikasie en ons is gegrond in ons vriendskap en ons glo dat dit ons deur moeiliker jare sal dra.

STEM VIR DIE PAARTJIE ONDER:


Stemme maak 7 Maart 2022 oop. Klik hier om opteteken om ‘n herinnering per e-pos te kry wanner stemme vir Troue van die Jaar 2021 oop maak.

Diensverskaffers:

  • Blomme: Langkloof Roseplaas
  • Dekor: Langkloof Roseplaas
  • Fotograaf: Chantall Marshall
  • Grimering: Skoonlief Beauty
  • Hare: Frizzy Lizzy
  • Huweliksbevestiger: Johan Botha
  • Trouring: Browns
  • Troukoek: That Girls with the Cupcakes
  • Koördineerder: Langkloof Roseplaas
  • Musiek: DJ Maryke (Maryke Dreyer)
  • Platejoggie: DJ Maryke (Maryke Dreyer)
  • Skryfbehoeftes: Bloom Studio
  • Strooimeisie-rokke: Bride-Zilla
  • Trourok: Bride-Zilla
  • Venue: Langkloof Roseplaas
  • Paartjie se verblyf: Langkloof Roseplaas
  • Wittebrood plek: Weskus, Kaapstad