Richard & Léandra Pretorius

STORIE:


“Girl-next-door”

So in die jaar 2016 het ek blyplek gesoek wat dierevriendelik is en het afgekom op die mooiste, oulikste plekkie met die vriendelikste mense op ‘n plot in Pretoria.

Op daardie stadium was dit maar ‘n rowwe tyd in my lewe – het voltyds studeer en gewerk – geld was maar min. MIN het ek geweet gaan ek die man van my drome daar ontmoet. So kom klop daar iemand aan die deur – my buurman – net om vinnig hallo en welkom te sê.

In die begin het ek nie regtig belang gestel nie want die man het maar bietjie wild gelyk. So het ons mekaar leer ken en het ek agter gekom hy is eintlik maar ‘n sagte man met so goeie hart.

Ek wat my onsekere self was het 400km ver weggehardloop toe dinge begin ernstig raak. So bly ‘n 22 jarige meisie stok-siel-alleen in die mooiste maar verveligste plek en my hart verlang na die eens-op-‘n-tyd net ‘n buurman.

So besluit ek een aand genoeg is genoeg ek weet wat ek wil hê. Ek begin werk soek weer in Pretoria maar werk is skaars en kry toe net ‘n tydelike pos. So pak ek alles op met geen blyplek en geen vaste werk nie. Hy wat so goeie mens is help my toe vir blyplek soek (ek kan nie by hom bly nie want ons is nie getroud nie en en en). Ons kry nie ordentlike blyplek vir my nie en min het ek geweet hy voel presies oor my soos ek oor hom voel. Hy vra my toe of ek nie maar by hom wil intrek nie, ons sal later ‘n groter plek soek. VAN TOE AF was ons nog nooit weer geskei nie. Ons het in September 2019 verloof geraak en wou die volgende jaar trou maar toe gebeur COVID.

Ons is toe geseënd genoeg om die jaar 20 November 2021 ons Sprokie-troue te hê.

Van buurman na man.. vir ‘n beter sielsgenoot kon ek nie vra nie.

STEM VIR DIE PAARTJIE ONDER:


Stemme maak 7 Maart 2022 oop. Klik hier om opteteken om ‘n herinnering per e-pos te kry wanneer stemme vir Troue van die Jaar 2021 oop maak.

Diensverskaffers:

  • Bruidegom-pak: Coquis Centurion
  • Fotograaf: Louis Clarke
  • Grimering: Melissa Minne
  • Hare: Natascha Keeve
  • Troukoek: Emmie Fouche
  • Strooimeisie-rokke: Felicia Hinsbeeck
  • Trourok: Christine’s fashions
  • Venue: Colosseum Reale
  • Videograaf: Tintype productions
  • Huwelik kontrak: Reinier Joubert