Dedré & Janus Du Plessis - Troue van die Jaar

STORIE:

💫 Ons Droom Troue 💫
Ons troue was ’n droom troue wat ons voor gewag het. Elke detail het perfek uitgewerk, elke oomblik het gevoel soos ’n sprokie. Dit was die dag waarvan ek nog altyd gedroom het, en toe dit uiteindelik aanbreek, het dit my asem weggeslaan.
Die oggend was stil, vol verwagting. Terwyl ek regmaak, het ek in die spieël gekyk en besef — vandag is ek ’n bruid. My rok was asemrowend, die kant en detail het in die lig geskitter. My grimering en hare was perfek, presies soos ek dit wou hê. Ek het gevoel soos ’n koningin, gereed om my sprokie te leef.
Die venue was ’n droom — versier in vintage bruin en goud, elegant en warm. Die sagte liggies, vars blomme en stylvolle dekor het alles laat saamvloei in ’n prentjie van pure liefde. Elke tafel, elke kers, elke lint was met sorg geplaas.
Toe ek op die paadjie afstap en die musiek begin speel, het die wêreld vir ’n oomblik stil geraak. Almal het omgedraai, maar my oë was net op hom. Daar het hy gestaan, met daardie glimlag wat my hart vinniger laat klop. Sy trane van geluk het my laat besef — hierdie is regtig ons oomblik.
Ons geloftes was eenvoudig, eerlik en vol gevoel. Toe ons “ja” sê, het dit gevoel asof alles rondom ons verdwyn. Die applous, die trane, die musiek — dit was perfek. Dit was nie net ’n seremonie nie, dit was ’n viering van ware liefde.
Die onthaal was vol lewe en vreugde. Die DJ het almal op hul tone gehou — daar was geen tyd vir sit en rus nie! Die musiek, die lag, en die dansvloer het die aand laat vlieg. Die kos was heerlik, die wyn het gevloei, en die geselskap was vol warmte en geluk.
Die fotograaf Cindy Halgreen het elke pragtige oomblik vasgevang — die trane, die lag, die dans. Ons video deur Jacques Fourie bring steeds elke gevoel terug elke keer as ons dit kyk. Elke foto vertel sy eie storie, elke glimlag herinner my aan hoe perfek daardie dag was. Ons troue was meer as net ’n mooi dag — dit was ’n viering van liefde, geluk en drome wat waar geword het. Alles het so mooi afgeloop