Mare & Minke Joynt

STEM | VOTE

VERWYSING | REFERENCE:

TVJ25166

Belangrik: Gebruik die boonste verwysing wanneer jy stem. Geen terugbetalings sal gedoen word nie.
Important: Use the above reference when voting. No refunds will be done.

R 1 = 1 STEM/VOTE

STEM ENIGE BEDRAG SOVEEL KEER SOOS JY WIL.
VOTE ANY AMOUNT AS MANY TIMES AS YOU LIKE

Bepalings en Voorwaardes Geld.

Klik hier vir gereelde vrae.
Vir hulp klik hier om ons te kontak.

Terms and Conditions Apply.

Click here for frequently asked questions.
For assistance, click here to contact us.

STORIE:

Mare en Minke het mekaar op 24 Januarie 2021 ontmoet, en drie jaar en sewe maande later het Mare op 24 September 2024 tydens ’n weeklange Namibië-avontuur die groot vraag gevra – kaalvoet bo-op Dune 45 in Sossusvlei, met die son wat sak. Intiem, spontaan en besonders. Ons troubeplanning was ’n vreugde, want ons wou iets hê wat ons kreatiewe persoonlikhede weerspieël. By Imperfect Perfection het ons dadelik geweet dis ons plek. Met Lene en haar span se hulp het alles seepglad verloop, en die venue se kunstige karakter en aardse kleure het perfek by ons gepas. Ek het vyf plekke besoek voor ek my droomrok by Bride & Co gekry het – vier groottes te groot en die laaste een in Suid-Afrika. By ’n bridal expo het ons Roedolf D Fashion Atelier ontmoet, hy het my rok uitmekaar gehaal en aanpassings gemaak tot hy perfek pas.

Van die begin van ons verhouding af het Mare altyd vir my proteas gebring, wat ek oor vier jaar gedroog en bewaar het. Op ons troudag was daardie proteas deel van my en die strooimeisies se ruikers en selfs die tafelversierings. Met gedroogte blomme en vars blomme was daar ’n mooi balans tussen herinnering en ’n nuwe begin. Ons het ook vir al 150 gaste persoonlike, handgeskrewe briewe geskryf en hout-sleutelhouers as tafelplasings gemaak sodat elkeen werklik geliefd voel. Mare, ’n passievolle vlieghengelaar, het saam met sy strooijonkers handgemaakte vlieghengel-vliegies as skouerblomme gedra – ’n unieke detail. Die oggend het begin met sjampanje, lag en trane saam met my ma en vriendinne, en ’n onvergeetlike “first look” saam met my pa en boetie. Van die oomblik wat die kerkdeure oopgemaak het, het Mare en ek nie oogkontak gebreek nie. Die dominee se boodskap uit Prediker 4:12 oor ’n driedubbele koord het ons diep geraak – veral met Mare se ring van drie verweefde goue bande as simbool van God in die middel van n huwelik. Die onthaal was soos n sprokiesverhaal vol lag, liefde, n uil pinjata en n spesiale eerste dans met 150 vonkel stokkies om ons.