Reese & Liezl Heydenrych

STEM | VOTE

VERWYSING | REFERENCE:

TVJ25081

Belangrik: Gebruik die boonste verwysing wanneer jy stem. Geen terugbetalings sal gedoen word nie.
Important: Use the above reference when voting. No refunds will be done.

R 1 = 1 STEM/VOTE

STEM ENIGE BEDRAG SOVEEL KEER SOOS JY WIL.
VOTE ANY AMOUNT AS MANY TIMES AS YOU LIKE

Bepalings en Voorwaardes Geld.

Klik hier vir gereelde vrae.
Vir hulp klik hier om ons te kontak.

Terms and Conditions Apply.

Click here for frequently asked questions.
For assistance, click here to contact us.

STORIE:

Van die oomblik wat ons verloof geraak het, het ons geweet ons troue sou meer wees as net ’n dag — dit sou ’n weerspieëling wees van ons reis, ons geloof en ’n liefde wat reeds in hoërskool begin groei het. Deur seisoene van verandering en groei het ons saam geword wie ons vandag is.
Kort na ons verlowing het ’n vriendin vir ons Prediker 4:9–12 gelees. Die woorde het ons diep geraak en so mooi gepraat van vennootskap, eenheid en die krag van saamwees. Dit het gevoel soos ’n bevestiging van God dat ons liefde nooit bedoel was om alleen te staan nie. Die vers het deel van ons huis én ons troudag geword — ’n simbool van ons geloof en toewyding.

Wat dit nog meer besonders gemaak het, was dat ons dominee, sonder om te weet hoe belangrik dié skrif vir ons was, die hele seremonie rondom Prediker 4:9–12 gebou het. Dit het gevoel soos ’n goddelike bevestiging — ’n heilige oomblik wat ons vir altyd sal koester.
My trourok, ontwerp deur Lynmarie Griffioen, was alles waarvan ek gedroom het en meer. Elke detail het my perfek weerspieël, en die hele proses was eenvoudig en spesiaal.

Ons venue, Ubunye Game Lodge in Bela-Bela, was asemrowend. Die natuur, rustigheid en skoonheid het die perfekte agtergrond geskep, en die span het met soveel sorg en professionaliteit gesorg dat alles vlot verloop. Dit het ons toegelaat om elke oomblik ten volle te geniet.
Die beplanning van ons troue was ’n weerspieëling van ons verhouding — vol liefde, grasie en eenheid. Elke besluit is met doel en vreugde geneem, gelei deur geloof en ondersteun deur ongelooflike mense.

Toe ons daar staan op ons troudag, omring deur ons geliefdes, is ons herinner dat liefde geduldig is, liefde vriendelik is, en dat ware liefde in geloof gegrond is. Ons storie is nie een van toeval nie, maar van doel — ’n liefde wat lank voor daardie dag begin het en wat ons elke dag kies.
Ons troue was ’n ware weerspieëling van wie ons is: ’n liefde gegrond in geloof en omring deur genade. Daarom het ons besluit om in te Skryf.