Heino & Annabella Nel - Troue van die Jaar

STORIE:

Ons het in November 2022 al ons troue begin beplan; die venue en fotograaf was al geboek maar die ring was nog nie eers aan haar vinger nie! Na 7 jaar van uitgaan (hoërskool verliefdes), is ons die 31ste Desember 2022 verloof. Niks het sonder enige struikelblokke gekom nie. Vroeg 2023 is daar vloede regoor Suid-Afrika wat ons oorspronklike venue beskadig het. Ons vind egter eers einde Mei uit dat die venue nie betyds vir ons troue begin Desember herstel sal wees nie. ŉ Effense penarie want meeste van die dekor, kos, ensovoorts is gereël maar ons het nie ŉ venue nie. Die Maandag begin ons bietjie rond bel en met die Here se genade kry ons die venue reg langsaan die oorspronklike venue wat gelukkig bo die watertafel gebou is. Ons is dankbaar want Stonehenge River Lodge op die oewer van die Vaalrivier het ons verwagtinge oortref!

Die beplanning was net bietjie uitdagend met dié dat Heino in die middel van Botswana werk en Annabella besig was met haar studies in Potchefstroom. Dit is reg, die hele troue is gereël met ons wat ŉ 1000 kilometer uitmekaar is, maar ons het dit gemaak en dit was “magical”.

Heino het vir ŉ baie “casual” troupak gegaan: navy chino, ligblou hemp, strikdas, kruisbande en natuurlik ŉ lekker paar vellies. Hy is ŉ regte boertjie ; ) Annabella het ook ŉ gemaklike opsie gekies: ŉ simplistiese wit rok met detail bo en ŉ sleep waarin sy egter nogsteeds gemaklik kon dans. Die trourok is al in Januarie 2023 gekoop en haar pa het haar gereeld deur die jaar herinner dat sy teen Desember nogsteeds in haar rok moet pas. Plat ipanema’s was die skoene van keuse; weereens gemaklik dans is belangrik!

Die dekor was iets uit die boonste rakke! Heino het vir Annabella vrye teuels gegee. Hy het net ŉ paar klein versoeke gehad; daar moes baie fairylights wees en dit moet vir ons en ons gaste ontspanne en gesellig wees. Annabella het hom egter nogsteeds in alle besluitnemings erken en hy het met die spesiaalste idees vorendag gekom. Die gaste kon nie uitgepraat raak oor die simplistiese dekor en mooi blomme nie. Dan natuurlik kon die gaste ook nie ophou gons oor die lekkerste spitbraai wat hul al geëet het nie.

Stonehenge River Lodge, net ŉ entjie buite Parys, is die mooiste venue vir enige geleentheid met die beste en mees professionele personeel wat uit hul pad uit gegaan het om ons dag ŉ sukses en baie spesiaal te maak. Die blomme, troukoek, trourok, gasteboek-canvas en esels is deur mense behartig waarmee die paartjie al jare ŉ pad stap (Dankie tannie Retha, tannie Carien, tannie Vicki, tannie Lala en Pa André). Daarby is ons strooimeisie (Eliana), ons blommemeisie (Skylar), ons strooijonker (Jurie) en ons ringdraer (Ethan) so te sê familie so na is hulle aan ons harte. Dit alles het net bygedra tot die samesyn wat regdeur ons troudag teenwoordig was.

Die dag was net “amazing”! Alles het net seepglad verloop. Heino het sy oë bloedrooi gehuil toe, in sy woorde, die mooiste vrou in die wêreld in die paadjie aangestap kom. Die dominee het vir ons die kosbaarste boodskap oorgedra wat ons altyd sal koester. Die fotograaf (Liané) was ook saam met ons op skool en het al ŉ paar fotosessies saam met ons agter die blad. Sy het die dag vir ons netso spesiaal gemaak met die mooiste troufoto’s waarvoor mens kon vra. Wat ook vir ons baie spesiaal was, is nadat ons fotos geneem het, het ons 15 minute gehad om net te sit, die sonsondergang te bewonder en alles van ons troudag saam in te neem. Dan natuurlik was dit ook bitter spesiaal om die res van die aand saam ons geliefdes te kon spandeer; te lag, kuier en gesels met die mense na aan ons hart.

Dankie pa Franz, ma Lientjie, pa André en ma Maxie wat ons nog altyd ondersteun het en die dag vir ons moontlik gemaak het. Ons is baie lief en baie dankbaar vir julle!

HEINO & ANNABELLA
09.12.2023

TVJ23263

BANK BESONDERHEDE:

Verwysing: Gebruik die verywing wat begin met TVJ23****.
Rekening Houer: Mooi Troues
Bank: First National Bank
Rekening Tipe: Tjek Rekening
Rekening Nommer: 62528022792
Takkode: 250-655
Belangrik: Gebruik die onderste verwysing wanneer jy stem. Geen terugbetalings sal gedoen word nie. Indien jy die veerkeerde verywing gebruik sal die stemme nie na die korrrekte troue toe gaan nie.

BANKING DETAILS:

Verwysing: Use the reference starting with TVJ23****.
Account Holder: Mooi Troues
Bank: First National Bank
Account Type: Cheque Account
Account Number: 62528022792
Branch Code: 250-655
Important: Use the below reference when voting. No refunds will be done. If you use the incorrect reference, the votes will not be allocated to the correct wedding.