Schani & Riaan Schmulian - Troue van die Jaar

STORIE:

Ek wil graag begin deur almal die storie te vertel van hoe ons ontmoet het want ek voel dat daar verseker groter magte betrokke was in hierdie liefdesverhaal. So ongeveer 2 jaar terug is het ek teruggetrek Kaap toe na 5 jaar se werk in Sandton. Ek kon skaars my voete vind toe is my ma besig om vir my blind dates op te set. Ek vra toe dat ek net kans kry om in te settle voor ek nou my pasmaak moet soek. My ma se toe dis reg maar ek moet net weet dat ek SAL`n plus 1 moet bring na my suster se troue toe wat toe onlangs verloof geraak het en dat dit nie op was vir verdere bespreking nie. Die storie word toe vertel aan my ma se naeltegnikus Michaela wat toe dadelik se dat sy die perfekte meisie vir my ken en haar toe sommer dadelik whatsapp om te vra of sy na `n troue toe sal gaan saam hierdie klient van haar se seun nie. Schani wie op daardie stadium na `n klompie jare in die kaap reeds in haar kop oppad was terug Bothaville toe en net oe gehad het vir vrystaat boere se toe sommer vinnig dat sy bereid sal wees om te gaan aangesien sy nie dit sien as `n date nie maar bloot as `n geleentheid om bietjie te dans. Sy kyk toe op sosiale media wie die seun is en besef toe dat ons eintlik al `n jaar tevore vlugtig by `n braai ontmoet het toe ek onder in die Kaap was vir `n troue. My ma vertel my toe van die gebeure toe en se “ek weet jy stel nie belang dat ek jou opset op blind dates nie maar die meisie se sy ken jou reeds.” Ek is toe nou natuurlik baie nuuskierig om te sien wie die meisie is en erken toe haar ook van haar foto af. Op daardie stadium was die troue nog baie ver weg so ek het nie te gedruk gevoel om nou dadelik iets daaromtrent moet doen nie..Na `n dag of twee kry ek net hierdie gevoel in my hart dat ek hierdie meisie moet kontak en stuur toe vir haar `n DM op Instagram “Hi hoe gaan dit nog? Lanklaas gesien”. Ons beide weet natuurlik wat agter die skerms gebeur het maar daar begin ons toe gesels en kort voor lank is ons eerste ontmoeting opgeset.